اسلام کی دوسری خصوصیت

دوسری  خصوصیت

      نفس کی انتہائی تمنا اور آرزو یہ ہے کہ اسکو ایسا طریقہ معلوم ہوجائے کہ جس سے حتیٰ الوسع اپنے پروردگار کے حقوق عبودیت بھی بجا لا سکے اور اپنے بھائیوں کے حقوق اخوت بھی ادا کرسکے. سو الحمد للہ شریعت اسلامیہ نفس کی اسی انتہائی تمنا اور آرزو کے مطابق ہے. حقوق الله اور حقوق العباد کی جو تفصیل شریعت اسلامیہ نے کی ہے اس کا عشر عشیر بھی کسی ملت اور مذہب مے ملنا دشوار بلکہ ناممکن ہے. شریعت اسلامیہ نے اگر ایک طرف خداوند قدّوس کی معرفت اور عبودیت کے طریقے بتلائے تو دوسری طرف سیاست ملکیہ اور مدنیہ کے اصول اور قوانین بتلائے کہ جن کو سن کر عقلاء عالم حیران ہیں.